الملاحظات


آخر المشاركات

أهلا وسهلا بك زائرنا الكريم في شبكة ومنتديات ود قرينو للمدائح النبوية، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .


حاج الماحى - مرحباب المصطفى بما أتى - كلمات

﷽ مدحة : يا مرحباب المصطفى بما أتى الراوي : الشيخ حاج الماحي رحمه الله يا مرحباب المصطفى بما أتى نعم وحبا ..


لا يمكنك الرد على هذا الموضوع لا يمكنك إضافة موضوع جديد


عبدك أحمد الغشيم
rating
معلومات الكاتب ▼
تاريخ الإنضمام : 30-09-2020
رقم العضوية : 2587
المشاركات : 177
الدولة : السودان
الجنس : ذكر
تاريخ الميلاد : 1-8-1999
قوة السمعة : 30
موقعي : زيارة موقعي
المادح المفضل : : اولاد حاج الماحي
       ﷽


مدحة : يا مرحباب المصطفى بما أتى 


الراوي : الشيخ حاج الماحي رحمه الله


 


يا مرحباب المصطفى بما أتى


نعم وحباب قمر النبوة الفايتَا


...


بسم الله بالخلق الخلايق وأوجتا


قاسم لها الأرزاق مغيثا ومقوّتا


عالم بحالها وليها ساتر عورتا


الدائم الموجود حياتو مثبتة


نافي الشريك والاحتجاج لا حجةَ


واجب الغنى الليهو الإرادة وقدرةَ


يوم الوعيد يفني الخلائق جملةَ


يطوي السموات والأراضي بآيةَ


ما يتلى شيء في الكون ذاتك وحّتا


مالك الملوك رب الجلال والعزة


راحم الضعاف محيي العظام الميتة


...


أثنى بي شفيع الأمة يومت حبستا


الرّجبا وفاداها وأمن خوفتا


طب القلوب عافة نفوسنا وراحتا


النور البلدان وسرّج ظلمتا


زال منها الأرجاس مسوخا وبدعتا


ملك الحقيقة اللا حبس لا نبّتَ


ما جار على مسكين ظلم حقو وعتى


كم من ضعاف الحال رفاها وسنّتا


حاشا السؤال من بابو ما كان يطرُتا


كان بي عطاهُو الوافي يسند سوفتا


... 


يوم النشور والناس تقوم من رقدتا


هذي القيامة الله بيكم موعتا


قلبوا الشمس فايرة التراب من حرّتا


نهم الجليل جات أم لهيب بي زبانيتا


زفرت تفور طالبة الخلوق تتفلتَ


ظهر الغضب مالك يخوض في طبقتا


جاثي الرسل ما تبغى إلا نفيستا


أين الشفيع أين المفرج كربتا


جانا برواج قمر النبوة الفايتَ


قال أمتي يا ربي داير راحتا


...


قالّو الإله إش ما تريد يا رحمةَ


يا عروة الإسلام ستارا غطايتا


أنت الحبيب إياك دليل القايتَ


يا البي حماك الرسل نالت مقعتا


في ذا النهار الكبرى ليك شفاعتا


موعود عصاة الأمة فوقك حملتا


جاهك شمل عم الخلائق جملةَ


إن شار بكفو النار طفاها وخمّتا


أمم الرسول مستبشرين في جنةَ ( قولوا آمين )


فرحة وسرور زينة الحضيرة ضيافتا


والكافرين في النار خلودها مصيرتا


...


بدرًا طلع في الكون سابق خمشةَ


منقول من الرسل الكرام آخر أتى


عزة قريش هاشمية أشد قبيلةَ


عبد الله أبوه وآمنة العفيفة سعادتا


بان العجب يا نعم دوب لي ولادتا


حاضرة الحسان تمدى وتتوق بي فرحتا


النور يلوح خافي الشمس حين طلعتا


ضوّا البلاد شاما وصعيدا وسفلتا


خمد لنارًا حامية طالت مدتا


هدّم بناء كسرى وزادت محنتا


...


سعدت حليمة الليها سابقة عنايتا


ربحانة جات والله قُضِيَت حاجتا


درر شياها المولى بارك عيشتا


مشى في السروح بانت معاجزو سماحتا


تبرا الغمامة تظلو هو وضمرة


جبريل نزل جابلو الجمال والحكمة


شق صدرو كبالو العلوم بي لذةَ


شاع أمره بان والكفرِ زادت خملتا


...


أعمامو فرسان التقيلة وحربتا


طالب مع العباس وسيدي حمزةَ


الكُمّل الأحرار تعجبك شوفتا


متجردي بي اسيافا حارسة وسيلتا


لا من سفر للشام خديجة هنيّتا


فرزوا الحمول لي أجلو ربنا شدتا


لا خير في اتباع أب جهل وا خيبتا


ملعون دفن للبير قبيح الخِلقةَ


عقبوا السُّعاد قالولو : جيت في ديرتا


شار الرسول جرَت العيون في ساعتا


شربوا الجيوش شافوا العجب في مويتا


...


قام أب جهل بي قومو داير شُكرَتا


نفحوا الدبيب وجضعوا البعير العبرتا


ناسو المعاه ما سمعنا مثل عوارتا


كتموا الخبر جلّابتُم في نزلتا


كونو الدبيب يأذي الرسول هو يشمُتَ


ما بيخشى كم من معجزاتًا شاهتا


قدم الرسول للدابي والمقصود أتى


قال ليهو : من زمن الخليل يا قدرةَ


داير الضمان يا سيد لؤي وكنانةَ


ضمنو الرسول صاحب الحُلل والبردةَ


في الجاه بقى وناس أب جهل وا خيبتا


...


صبّت مطر صبحو الجماعة مبيّتة


في صو مكمل زادا قلّت حيلتا


غرز النوى ودندح عطف كالرمشةَ


أكلوا الثمار وأصحابو زالت جوعتا


ناس أب جهل السيل حمولُن رمّتا


ناس الرسول المولى عادل سفرتا


نزلوا البلد أتباعو شقة بضاعتا


أهل العقول عرفوهو آمنوا وأرشتا


مكروا اليهود المولى بطّل دعوتا


عاد لي خديجة الكبرى نعم تجارتا


ازداد نعيما واتوسعت بيهو دولتا


...


حين جاها طيب العشرة شافت رويَتا


طلبت زواجًا ليهو عقدت نيّتا


رغبانة في مرواد عيونا وقُرّتا


راح الخبر لأبيها ما بيساعتا


الهاشمية انضمّوا جات بي حميتا


متجرّدين ناس حمزة شالت عدّتا


قال ورقة : هذي الفتنة ربنا يبعِتا


قوم يا خويلد راينا لا يتشتتَ


أُخذ الدراهم والحدايث مَوّتا


طاب الكلام لخديجة مرقت زينتا


لقت الرسول نالت مُرادا ومقصتا


في الدنيا ثم الآخرة نالت رحمةَ


...


مسك الجنان والطيب يفوح في دُكّتا


غلبت نساء العُربان جميع بكرامتا


حاز الرسول جملة نعيما وحيلتا


كاد أب جهل مقبوح عليه اللعنةَ


جبريل نزل في ليل عرج ناجى وأتى


تمّت رسالة الحق ظهر في مكةَ


عادوا النجوس هاجر مدينة طيبةَ


تبعوه الكرام الأربعة والستّةَ


فيها استقام يا دوب لي ديك الحضرةَ


دينو استزاد واسيادي عقدت بيعتا


...


يا مرحباب صديق حباب عمر الفتى


يا مرحباب عثمان حباب كرّار أتى


ديل الأسود الحر حباب لي مُدّتا


جُلَساء الرسول يا حليلا بعدو خِلافَتا


يا مرحباب سيدي ابن عوف الزاهتا


يا مرحباب سعد وسعيد بي شقتا


يا مرحباب با عُبيدة فرتاك ريشتا


يا مرحباب خالد نهار يوم كبستا


فتح أم حديد وصاد البطاليس ميّتة


هان الملوك لا دنقلا الدار برّتا


...


عبّوا العدول أسيادي قامت غزوتا


ولدًا يصالوا الحرب بين شجاعتا


سار الرسول قِدّاما سندت رايتا


راح في بدر الكفرِ بالسيف جاهتا


سبعين قتيل في أهل الخلاف والفتنةَ


سبعين أسير مغصوبة جابا مقيّتة


كسبوا الغنائم والخزائن نكّتا


كم من مدينةً عاصية طيّعوا حِلّتا


جابوا الأمان اسيادي راحت جنّةَ


...


يا ربي يا فارج الهموم والكربةَ


نعبى المسار نقطع نفوت اللُّجّةَ


نمرق شروق المُر مكان الجدّةَ


متجرّدين نحرم نروح لي مكةَ


ننوي الطواف نستدعى ناخذ القبلةَ


الركعتين وزمزم نذوق لي شربتا


نحضر وقاف عرفة ونشوف لي لمّتا


نسعى ونطوف بين الصفا والمروةَ


نرمي الجمار السبعة بعد السبعةَ


نعقب نعود مكة ونجيب العمرةَ


نقضي الفروض جملة ذنوبنا نَحَتْحِتَا


...


عبّ الأمير الشامي دوب لي طيبةَ


دوب لي رياحا الحالي دوب لي كرفتا


دوب لي نخيلا ولي ثمارا وذوقتا


دوب لي دباجا ولي فراشا وروضتا


دوب لي منارا ودوب لي ديك السهوةَ


دوب لي كواكب الدُّر ودوب لي شعلتا


دوب لي رجالا الفيها حارسة وسيلتا


دوب لي خزينّا الفيها ساكن حجرتا


بلد الرسول يا ربي داير شوفتا


آخر الكلام والروح هناك تموّتا


...


يا ربي صلّ المرة بعد المرةَ


لي صاحب التاج والحُلل والبُردةَ


تسليمي عد ما في السماء وإراضتا


عدد الجبال السبعة سيحة وعتعتا


عدد البحار السبعة حوتا وموجتا


ما هب نسيم ما شال برق في قبلتا


ما قام نبات من المغيب لا طلعةَ


من الحقير الماحي صاحب قصّتا


ما تنقطع لا يوم قيام الساعةَ


تنجينا وتنجي المسلمين يوم حبستا


...


صلى الله عليه وسلم


كتابة 🖋 : أحمد الغشيم



تم تحرير الموضوع بواسطة :عبدك أحمد الغشيم
بتاريخ:10-06-2021 01:18 مساء

توقيع :عبدك أحمد الغشيم
161806405746457مركز الخليج" style="width: 360px; height: 240px;" />




المواضيع المتشابهه
عنوان الموضوع الكاتب الردود الزوار آخر رد
نبذة عن الشيخ حاج الماحي ( كتابة الشيخ حمزة حاج الماحى ) عبدك أحمد الغشيم
0 24 عبدك أحمد الغشيم
حاج الماحى - يا ربي صلي على النبي محمدا - كلمات عبدك أحمد الغشيم
0 156 عبدك أحمد الغشيم
فهرس مدائح شيخنا حاج الماحى رحمه الله ( حسب ما وجدته) عبدك أحمد الغشيم
0 221 عبدك أحمد الغشيم
حاج الماحى - الماحي المكرم ديمة في بالي - كلمات عبدك أحمد الغشيم
0 374 عبدك أحمد الغشيم
حاج الماحى - القبة أم كسا المبنية - كلمات عبدك أحمد الغشيم
0 210 عبدك أحمد الغشيم

الكلمات الدلالية
الماحى ، مرحباب ، المصطفى ، كلمات ،

« أسد الله البضرع - حاج الماحي ( كاملة) | نبذة عن الشيخ حاج الماحي ( كتابة الشيخ حمزة حاج الماحى ) »

 













الساعة الآن 10:33 صباحا

Flag Counter


RSS 2.0XML Site MapArchiveTeamContactCalendarStatic Forum