الملاحظات


آخر المشاركات

أهلا وسهلا بك زائرنا الكريم في شبكة ومنتديات ود قرينو للمدائح النبوية، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .


أسد الله البضرع - حاج الماحي ( كاملة)

أسد الله البضرع نظم شيخنا حاج الماحى عليه رحمة الله أسد الله البضرع ينهر في المجمع كم عوقًا في اسراع ..


لا يمكنك الرد على هذا الموضوع لا يمكنك إضافة موضوع جديد


عبدك أحمد الغشيم
rating
معلومات الكاتب ▼
تاريخ الإنضمام : 30-09-2020
رقم العضوية : 2587
المشاركات : 177
الدولة : السودان
الجنس : ذكر
تاريخ الميلاد : 1-8-1999
قوة السمعة : 30
موقعي : زيارة موقعي
المادح المفضل : : اولاد حاج الماحي
            أسد الله البضرع 
    نظم شيخنا حاج الماحى عليه رحمة الله 
 
أسد الله البضرع ينهر في المجمع
كم عوقًا في اسراع من شوفتو اتفرزع
...
سم يا لسانى بسم الله واشرع
نزه لذاتو اليرانا ويسمع
مولانا الخالق بقدرتو يصنع
سبحان الباري اليضر وينفع
المغني الباسط اليعطي ويمنع
الحاكم القاهر اليذل ويرفع
جلّ المفرّج لي ضيقنا في اسراع
يقبل لعبدو اليتوب ويرجع
راحمنا بالنيل ومطرنا ترشع
بلل يباسنا ما نسوق ونزرع
...
ثنيت بي طه شفيع المجمع
يوم الخلائق تبكي وتتوجع
شاخصين عرايا والحر يصقع
النار لسانا يوقد مولع
العقل طايش والبال اتزعزع
والقلب راجف والعين تدمع
للرسل جينا نشكي ونتوقع
يخبرنا عيسى بي صاحب الموضع
قال : ذاك نبيكم ما غيرو ملجع
الكبرى هيلو والريسة هسع
...
جيناهُ جملة سيدنا المبرقع
النورو يضوي فوق وجهو يشلع
من حينو ساجد لي ربو يركع
قال الإله : لي راسك أرفع
قوم يا محمد شفّع وأشفع
ليك النبوة والرسل تُبّع
تارت شفاعتو والجاه اتوسع
حتى المخالف في دخولا يطمع
في ظل لواهُ الإسلام يتمتع
والكفر جيشُهم في النار موزّع
...
صاحب المعاجز المن قام بيرضع
قالت حليمة : بي حقو يقنع
رحمني ربي بالنورو يسطع
جبّر حمارنا الكانَ يضلع
أصبح يبيسنا خضّر ومشّع
تاق بي وضيبو جرجر وبقّع
نبيًا مسيسو للضرِ ينفع
فاض الزلالِ من كفو ينبع
جبريل يجيهو من ربو كل ساع
جابلو البشائر لي قدرو يرفع
هذا الأمين العاقل المطبّع
بوريك خصايصو سيد فهرِ وأشجع
يخصف نعالو ولي ثوبو يرقع
... 
أسد الله البضرع شد ألبس وأدرع
برز للمصرع يحمل ما بيرجع
في العوق حين يرتع بي سيفو بيقطع
لي خيولهم يقرع لي روسُهم يجدع
ختّاهم في القاع لي دماهِن ترّع
الصقر الأصلع في كبودهم يشبع
يا اخوي شِن تسمع علي بيهم بدّع
كسر صنامهم لي ديارهم طيّع
جنزر ملوكُن سامُن وبيّع
... 
اسمع يا أخوي كلام أب عاشة
بكر الإسلام الخاتي القماشة
تاج الخلافة الـ للأمي ( ـة ) شاشا
تابع نبيهُ لي قولو فاشى
قال المختارِ ما ذلّ حاشا
حين شدّ قارحو هز فوقو هاشا
كبّر بي سيفو الله وما شاء
نزّل ملوكًا من فوق فراشا
سبعون ألفًا يومت عطاشى
بي جاهو فازوا من غير فتاشة
...
اسمع يا اخوي الفاروق كلامو
ثاني الخلافة الوافر مقامو
إبن الخطاب البيّن إكرامو
تابع نبيهُ وقوّالو إسلامو
حين شدّ قارحو وكرّب حزامو
لاح فوقو شايل رمحو وحسامو
يضرب بي سيفو الكفار طعامو
كلو اليجيهُو يهشم عظامو
عمر الضرغامُ فارس اللطامُ
فتّح مدائن الروم والشامُ
كم جاب عزيزًا بي حيلتو سامو
...
اسمع يا اخوي عثمان نسيبو
ثالث الخلافة أب أمرًا عجيبُ
ذا النورين اليعجب حبيبو
تابع نبيهو كان مقتديبو
لا زال بيهُو خاطرو بيطيبُ
من بيتو جهز عوق السبيبُ
حين شد قارحو ويسحب قضيبو
كل المخالف يقبض يجيبو
حبر الكتاب الفي الدين رقيبُ
حكم المجيبُ جاهو ورضيبو
...
جيب يا لسانى قول ابن طالب
رابع الخلافة الكان أمرو غالب
تابع نبيهو دائمًا مراقب
بالنسبة ليهو ود عم أقارب
فارس المشارق فارس المغارب
حين شد قارحو في إيدو ضارب
علي شال محارب لي خودتو كارب
كم جاب عزيزًا بي حيلتو سارب
قتلو وعقابو خلّاهُ هارب
...
اتصنتوا قولي يا مسلمينَ
بردف كلامو الكرار علِينا
باب المدينة اليعجب نبينا
أبي الحسينَ فارس حُنينَ
أسد الكمينة الكَر في اليمينَ
شايل السنينَ للروس يهينا
الكيفرينَ دقق طحينا
كم جاب لعينًا مقبوض رهينَ
الروم تهاها وطشش جنينا
دمّر بُناهم طول السنينَ
...
جيب يا لسانى لي أهل الفتحة
أنشى وأفشى بي هذي المدحة
قول لي نبينا وأصحابو الفلحى
الستة أسيادي البيعُهم صَحّ
لي أرواحهم ساموا قاصدين الصُلحة
ناس الزبيرِ وناس سيدي طلحة
سعد وسعيدُ البيهم فرحة
ناس با عبيدة الولدة الناجحة
سيدي ابن عوف الوافر ما شحّ
يات من يجيك ينشال بي صفحة
العوق يسوقا في حين كاللمحة
ديل الكرام الما فيهم جنحة
المولى ليهم بي نصرو أوحى
للجنة فازوا وختّولنا السمحة
...
جيب يا لسانى في هذي الرجزة
قول للأسود وِلد المعزّة
الهاشمية فرسان البرزة
ناس العباسُ وناس سيدي حمزة
دقت طبولهم ونحاسُن رزّ
يات من يجيك فوق قارحو هزّ
دفّر حصانو في الريشة غزّ
يضرب بي سيفو ما يزيد الحزّة
روس البطارِق جزوها جزّ
باين ثناهُن وعدوهُن فزّ
يا نعمَ أسيادي الهانوا البِتْمَزّ
يا ربي ليهم أرضِ وأجزى
...
جيب يا لسانى لا تنسى خالد
ابن الوليدُ اللي الحرب قائد
سيف الله باين والسيد لِيهْ شاهد
يا نعمَ الزاهد اليرضي الواحد
آمن بي طه ونال الفوائد
بي مكة قام أب شمعون يطارد
سبعونَ سيّد قتلو وجا عائد
حين أمّروهُ طلعُن جدايد
ركب أب سليمان فارس الشدايد
سدّس لي رايو وفتح أم حدايد
الكفرِ جاتو من الصعايد
راكبة الفوايل وشايلة العمايد
البطلوس عساكر ومالُن عدايد
قتلو وقادوا الكلب أب قلايد
... 
جيب يا لسانى فوق المسّندِي
لي أصحاب الدين المكروب أوَندِي
قول لي درار والمقداد والكندي
يات من يجيك فارسًا شبَندِي
راكبين عواتي وشايلين الهندي
شاع دينُهم عمّ للصين والسندِ
تابعين الأمي الما بقولوا فَندِي
شفيع الأمة يومت مِزّندِي
يا نفسي بيهم لله أحَمدِي
يا قلبي أطرب يا روحي أمدي
يا كبدي حِنّي يا عيني ارِمدِي
ما شفتي الغاني عِن مُلّاك شندي
أدّوهُ حظو باريهو جندي
فوق جاهو نومي لا تخافي اجُمدِي
قال : من مدحني جزاهُ عندي
...
بحق إسمك يا ربي عظِّم
لأحمد نبينا صلِّ وسلم
عدد النهار والليل ما يظلِّم
بي عد لسان الحال ما يكلِّم
عدد الخلائق كافر ومسلم
عدد النبات للكمون والسمسم
ما ربّى شيخًا جالس يعلِّم
ما قام خطيبًا يقرا ويترجم
ما طاف حجيجًا بي مكة مُحرِم
ما شال جمارًا عدّاها يرجم
علم الكهانة حتى البَنَجِّم
ما ناح حمامًا في بروجو يرزم
راويها عبدًا بي ذنوبو مجرم
الماحي بيها لي سيدو يخدم
...

صلى الله عليه وسلم 
© أحمد الغشيم ٢٠٢١ م
توقيع :عبدك أحمد الغشيم
161806405746457مركز الخليج" style="width: 360px; height: 240px;" />





الكلمات الدلالية
الله ، البضرع ، الماحي ، كاملة) ،

« الرسول نور البلد مصححة | حاج الماحى - مرحباب المصطفى بما أتى - كلمات »

 













الساعة الآن 10:50 صباحا

Flag Counter


RSS 2.0XML Site MapArchiveTeamContactCalendarStatic Forum