الملاحظات


آخر المشاركات

أهلا وسهلا بك زائرنا الكريم في شبكة ومنتديات ود قرينو للمدائح النبوية، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .


أحمد ود سليمان - ضو الليالي السود - كلمات

ضو الليالي السود أعطوكَ الشَّفاعة وحوضَك المورود صاحب اللواء المعقُود ~*~ بسم الله ابتديتْ بالواحد المعبُود الصَّمد القد ..


لا يمكنك الرد على هذا الموضوع لا يمكنك إضافة موضوع جديد


بت العناية
rating
معلومات الكاتب ▼
تاريخ الإنضمام : 22-03-2011
رقم العضوية : 3
المشاركات : 988
الجنس : أنثى
قوة السمعة : 24
المادح المفضل : : أولاد البرعي الأوائل
ضو الليالي السود
أعطوكَ الشَّفاعة وحوضَك المورود
صاحب اللواء المعقُود
~*~
بسم الله ابتديتْ بالواحد المعبُود
الصَّمد القديم الباقي حي موجُود
أعطينا الأمان في الدُّنيا نَرقَى نسُود
في الآخرة النجاة نَسكِن جِنَان وخُلُود
~*~

ثنَّيت بالرسول ضَو الليالي السُّود
مِصبَاح الظلام الفَضلو ما مَجحُود
يُوم هَول القيامة والنَّار لِسَانا يَقُود
جانا المُصطَفى وخمَّدها لينا خِمُود
~*~

يُوم وُضِع الرسول، النُّور لاح ضوّى
حَاضرات فِي النِساء مريم مع حوَّا
الحور الحسان جَنْ ليهو غير شُوَّا
معزولات نقاوة من الجنان جُوَّة
~*~

لولاك يا الرسول لا كان ولا كُنَّا
لولاك يا الرسول ما بَانت الجنَّة
لولاك يا الرسول ما عِرفنا لي أهلنا
بيَّنت الشريعة وسوَّيت لنا السنة
~*~

لولاك يا الرسول الدُّنيا ما كانَتْ
لولاك يا الرسول الآخرة ما بَانَتْ
لولاك يا الرَّسول أُمورنا ما هانَتْ
لولاك يا الرسول عِروضنا ما انصانَتْ
~*~

أعطاك الإله كل الامور حُوزة
خصّاك بالشفاعة والخلق بيك فُوزا
قال لِيك الجِّنان بي حُورَا محجُوزة
لامن تدخل انت وتأخذ العُوزة
~*~

يا سيدي الرسول فُوقَك حَكَى لِساني
نَاداك الإِله خَصَّاك بالمثاني
يُوم هول القيامة أعطاك كرم ثاني
قال قومك يدخلوا بالباب اليماني
~*~

يا سيدي الرسول فوقك رَفَع حِسّي
يا ضُلِّي وضَراي البِيك أنا أرسي
يُوم فَصل القضاء كُلْ الرسل نَفسِي
أدوك الرياسة لي غيرك ما بترسي
~*~

يا سيدي الرسول فوقك نَطَق فمي
شاشيت بي مديحك، رَجز عليك نَمِّي
يوم هول القيامة تَاكِل عليك همَّي
جَوِّه أخوتي والدي مع أمي
~*~

الليلة البروق لاحن لِي يا أحبّة
جالن في الفؤاد سال الدَّمِع صبَّ
لمتين السفر ما قُمتَ أدبَّ
أزور حرمو الشريف وفوقو أتحبَّ
~*~

الصلاة والسلام توصَل ضريح سيدي
وترد التحية وتبارك العيدِ
ابن سليمان قال: فوقك بَهِز إيدي
قادل بالعيوب وبيك حمد سيدي





الكلمات الدلالية
أحمد ، سليمان ، الليالي ، السود ، كلمات ،

« الشيخ احمد ود سليمان - سيرة ذاتية | أحمد ود سليمان - طالبات النبي المعشوق - كلمات »

 













الساعة الآن 11:40 صباحا

Flag Counter


RSS 2.0XML Site MapArchiveTeamContactCalendarStatic Forum