الملاحظات


آخر المشاركات

أهلا وسهلا بك زائرنا الكريم في شبكة ومنتديات ود قرينو للمدائح النبوية، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .


حاج الماحي - الليلة دوبا لأم قزاز العالي طوبا - كلمات

الليلة دوبا الليلة دوبا لأم قزاز العالي طوبا ... نفسي أمارة وكذوبة غافلة ساكت فى لعوبا يوم تموت شقيش هروبا يا كريم أستر ..


لا يمكنك الرد على هذا الموضوع لا يمكنك إضافة موضوع جديد


عبدك أحمد الغشيم
rating
معلومات الكاتب ▼
تاريخ الإنضمام : 30-09-2020
رقم العضوية : 2587
المشاركات : 143
الدولة : السودان
الجنس : ذكر
تاريخ الميلاد : 1-8-1999
قوة السمعة : 20
موقعي : زيارة موقعي
المادح المفضل : : اولاد حاج الماحي
الليلة دوبا الليلة دوبا
لأم قزاز العالي طوبا
...
نفسي أمارة وكذوبة
غافلة ساكت فى لعوبا
يوم تموت شقيش هروبا
يا كريم أستر عيوبا
...
العبيد جددلو توبة
وإمتثل لي ربه دوبا
جلّ غفار الذنوبَ
الما بيعجل بالعقوبة
...
سمّ جاب قصصاً عجوبة 
درتين ساهلات دروبا 
الخلوق إن سامعوبا 
فرحوا سرت لي قلوبا 
...
شالت الزمال فشوبا 
عسكرت وإتباشروبا 
ساموا بالطار يمدحوبا 
في البلاد يتبرّكوبا
... 
بثنى بي سيد نصوبا
الفي أم قزاز العالي طوبا
ليهُ دوبا وليها طوبى
يا كريم نحزم تلوبا
...
جالب الناس من غروبا
من صليح دار فاس ونوبة
تمشي لا زاد لا ركوبة
شوقو هرّد لي قلوبا
...
أمدح النبي يا لسانى
قول عليهُ الدنيا فاني
بي صلاة دخري الزمانِ
تنجى من نار الزباني
...
يا لسانى الحالي جيبو
أمدى بي شكر الحبيبُ
لا تشك خاطرك يطيبُ
يأتي ليك فرجاً قريبُ
...
يا لسانى الحالي ذكرو
أمدح المختار وأشكرو
بيهُ يوم الأمة سِكروا
تنجى من الهول ومكرو
...
كونه نور خلق الله طراً
القبضة المخموشة درة
كوكباً باهر مبرا
بان في آدم وسرّا
...
السلالة الطاهرة حرة
من إبراهيم جدهُ المبرا
في قريش يجي مرة مرة
ظهر في عبد الله غرة
...
نور مُسلسل من كِرامَ
نُقل في آمنة أب علامة
جاها هاتف في مناما
أنتِ فيك سيد الأنامَ
... 
الرسل جات بي تماما
عليهم الصلاة والسلامَ
طافتو الأملاك دوامَ
كونه شفاع في القيامة 
... 
العجب يوم وضعتو أمو
طاهراً ما فيهِ دمُ
جاهو جبريل شالو ضمّو
قَبّلُوه الأملاك في فمو
... 
ربه زادو جمال وتمُ
منه زاكي الطيب يشموا
الصادق المأمون يسموا
طوبى لي جدو وعمو
... 
النساء القالن حضرنا
مثل أحمد ما نظرنا
منه بق النور بهرنا
والمسك والطيب سطلنا
... 
ابن عبد الله حسرنا
وجهو ضاوي خفا قمرنا
تاني لا مدة عمرنا
آمنة منها وا بغرنا
... 
آمنة ست كنز الدسيسة
جابت الدر النفيسَ
غنت الحور لي جليسا
الفاق على إبراهيم وعيسى
...
شوف حليمة سبب نجاحا
جات مبدرة في صباحا
جابت النبي في مراحا
زاد نعيما وزال قماحا
...
حليمة سابقالا العناية
أرضعت خير البرايا
نالت الخير والهداية
ربنا أعطاها الولاية
...
يرعو هو وضمرة المنقى
الخليل جا معاهُ رفقة
بي حكم لي صدره شق
من علوم مولاه طق
...
ضمرة حصلت بيهُ شفقة
قال لأمه أخويَ يبقى
جات رجالاً تمشي دقة
منهم ما شفلو مرقة
...
حليمة جات محروقة حرقة
شوفا يا اخوي كيف بتلقى
كنزها أب صدراً مسقى
يشلع النور فوقو بقَ
...
الخليل جبريل يطلو
والكتاب آيات نزلّو
ناجى مولاه وقبلّو
حاز نعيم الدولة كلو
...
ديمة ظاهرات معجزاتو
الرسالة من الله جاتو
تُبَّعو أصحابو الثقاة
من بعد ستين وفاتو
...
معجزاتو بلا نهاية 
في الهجير تبرا التخاية
طه مرواد العمايا
كم سند ناساً رزايا
... 
الدائم الله الفاني خلقو
مستحيل الموت في حقو
النبي العاجبنا طرقو
يا حليل زمنو ورفقو
...
الحجاز لاح لي برقو
يشوي قلب الزول يحرقو
يا عشاقى متين تمرقو
نزور خزينّا الضاوي شرقو
...
الحجاز لمعاً بروقو
زاد علينا الليلة شوقو
يا عشاقى متين تسوقوا
نزور خزينّا الفي شروقو
...
أم قزاز نورا بيشيّل
كيف خضارا يجيك منيّل
ليها قلب الزول يميّل
صب دمع الحب يسيّل
...
أم قزاز نورا بيبرّق
يشوي قلب الزول يحرّق
يا عشاقى متين نشرّق
للنبي أب حباً يغرّق
...
شوقي لي حرمو المكسى
نعم يا الذاق فيهُ جلسة
يا قليبي الديمة تنسى
البعاد من طه جرسة
...
يا النبي أب جاهاً عميمَ
جوه الإخوان بي ليما
من مقاشي ولا كريمة
ينجوا من نار الجحيمَ
...
البشير يا سيد تميمَ
سكِّنو الجنة ونعيمَا
قصور وحوراً بي خديما
تتوق معاه وتنسف بريما
...
الماحي زايد عيبو برضو
بي لسانو الما بيقرضو
يا الرسول واقع في عرضو
تسامحو لاما اخوانو يرضُوا
...
الصلاة عليه ديمة
والسلام ما ليه قيمة
عد ما علم العليم
لابن آمنة رضيع حليمة
...
صلى الله عليه وآله وسلم ❤️ 
إعداد وكتابة : أحمد الغشيم 2021 م




المواضيع المتشابهه
عنوان الموضوع الكاتب الردود الزوار آخر رد
أولاد حاج الماحي ( المجذوب ) - يا ربي يا مالك الملوك - mp3 عبدك أحمد الغشيم
0 18 عبدك أحمد الغشيم
حاج الماحي - يا ربي يا مالك الملوك - كلمات wadgraino
0 13 wadgraino
أولاد حاج الماحي ( المجذوب ) - يا اخوي حليل الدرجوا - mp3 عبدك أحمد الغشيم
0 13 عبدك أحمد الغشيم
حاج الماحي - قِطَار النُوق نَحَادِيبِن - كلمات wadgraino
1 15 wadgraino
أولاد حاج الماحي ( المجذوب ) - قطار النوق نحاديبن - mp3 عبدك أحمد الغشيم
0 20 عبدك أحمد الغشيم

الكلمات الدلالية
الماحي ، الليلة ، دوبا ، قزاز ، العالي ، طوبا ، كلمات ،

« حاج الماحى - يا ماشي بالقدوم - كلمات | حاج الماحى - سمح الوصوف (كاملة) »

 













الساعة الآن 10:54 مساء

Flag Counter


RSS 2.0XML Site MapArchiveTeamContactCalendarStatic Forum