تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
الماحي المكرم أمي ما سطر
يا النظر قربوك بالمر
...
أشرع يا لسانى بسم الله واذكر
باليأتينا منه الخير ويطفي الشر
سبحان العلي الواحد الأكبر
الحال ليه يرجع إن نفع وإن ضر
...
يا مولاي هون أمري يتيسر
أكرى أم دير وامرق في نواحي البر
أوصل سيدي اواجهو مع الصديق وعمر
وأجلس بين الحجرة والمنبر
...
بالباب خاشي داعي اتبكى واتعذر
واقول ليه يا ماحي الوزار مضطر
مسقوم بي عيوني وأهلي كاسنجر
داير بيك جملة من الذنوب نطهر
...
إنت إياك سيد الجنة والكوثر
جملة الرسل والنبيان عليها أكثر
مخلوقين في نورك قطرة تتقطر
أنت الساس وهم في الحضرة ليك عسكر
...
منسوب في قريش نور أصله ذاتو بشر
طاهر من كرام مولود في مكة ظهر
والـلـه وتـالـلـه العلي الأكبر
مثلك يا محمد ما خلق بالمر
...
آياتك كتار في الكتب ما تحصر
بيك يعقوب جمع يوسف حمد وشكر
أيوب طاب ويونس عقلو عاد انسر
إبراهيم نجابك يا مغيث الشر
...
أوصاف الرسول سيد طلحة مع ابا ذر
يخصف نعلو يرقع ثوبو بالمبير
طول الليل يقيم صايم النهار في الحر
قالوا الحاضرين بالاسودين فطر
...
دعواك أحيا ومسك للكسير أجبر
مثل بلال وغيره ورد عين جودر
باركت القليل ثم اليبيس خضر
أروى القوم بهامك والضرع ليك در
...
اللهم أرض عن الصديق وعمر
عثمان الشهيد والرابع الحيدر
يات من كان على مكلوف ركب دفر
الكفار خلت دارهم كلاب خيبر
...
يات من كان يجيك في مناقبو تتفكر
تمحن في عجايب فضلو تتحير
رضي الله عنهم وعن جدال أخذر
الشاك في الكرام ما بيشرب الكوثر
...
يا سيد عكاشة وسيدي جعفر
داير للحسين زوجات حسان بكر
لابسات العقود اللولي والجوهر
بي جاهك يحوز بي كيفو يتخير
...
الصلاة والسلام عدد الخلوق وأكثر
تكتب عند رقيب محفوظة في دفتر
مقبولة الثواب ما تنقطع بالمر
جابا الماحي ليك يا الحاشا ما بتقهر
...