سيد القعدة بل وناس
سميري حبيب الناس
... 
يا عالم أمور الناس
أبعد لي من خناس
أدخل حضرة الإيناس
وأظفر بي حبيب الناس
...
ثنيت أوصافي باللطاف
جميلاً حبه خطاف
حج البيت أسرى وطاف
لي همي زال وتّاف
...
من شوقهُ أح واحيّ
جميل الوجنة غزال الحيَّ
يا رحمة إلهي الحي
لولاك قلبي ما كان حيَ
...
يدهش حالي في رسمو
يفوق ضي البروق بسمو
حبي ناير الجسمُ
يا عشاقُ بيهُ اسموا
...
وا شوقي على البسام
ناير الوجن يا بسام
الرقة زي نسام
بي مسهُ أزال السام
...
ما أظنِّ تاني أروق
بعد ما شفت لي بروق
طال الشوق فيه حروق
للقبرهُ شام وشروق
...
جبت النم فيه صلاة
لمن إسمهُ فيه حلاة
تاجوج زال ليهُ بلاء
أبعدو من هموم وغلا
...

صلى الله عليه وسلم 
٢٠٢١ م​​