تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
اللهم صلي على الرسول الغالي
ود عزة قريش صاحب المقام العالي
...
بسم الله سم الراوي يا متعالِ
رب العلا العالم جميع أحوالي
ليك عبدًا ضعيف
أحفظني وأستر حالي
سآلك يا كريم منك العفو المتوالي
...
ثنيت بالأمين طه الرسول الغالي
ود عزة قريش صاحب المقام العالي
والـلـه العظيم
يوم النهار القالي
يا دخريّ أنت ياكَ راحة بالي
...
ليل وضع الرسول اصتنطوا يا سامعنو
مريم وآسيا وسارّة وحواء جان حضرنّو
قسمـاً بالـيـمـيـن
قط مثلهُ ما شافنّو
الطيب والمسك فاح منهُ شامنّو
...
خر ساجد مشير لله يا أهل العرفة
من نور الجليل بي حكمة صافي مصفى
فوق وجنو وخدودو
النور يسطع رفَّ
الشام واليمن بي عينها شافت الشفا
...
ود عزة قريش أبواتك الهاشمية
يا الفوق الرسل عند الله ليك مزية
جيت لي بت وهب
وجيت لأمك السعدية
جيت للأمة كافة وحتى أنا جيت ليَّ
...
عبد المطلب جدك وأبيك عبد الله
وأمك آمنة يا الأتيتنا رحمة من الله
خففت الفروض
لينا وحييت الملة
يا خير الرسل وأفضل جميع خلق الله
...
عاجبني الرسول عجباً قسمت وحاتو
ما لي روحي أرضاهُ وأحب لي ذاتو
أع منو الكرام
الهاشمية أبواتو
عماتو العفاف والطاهرات أُمّاتو
...
عاجبني الرسول طه النبي وخلفاهُ
عجباً يا عشايق كل النفوس ترضاهُ
إن مشى بالهحير
فوقو الغمام ظلاهُ
الحجر الصميم من تحتو جدول ماهُ
...
أقلب يا لسانى وشَكِّرُو وخلفاهُ
رضي الله عنهم الكرام صُحَبَاهُ
صديق الصديق
الصدقو ووالاهُ
صهر المصطفى وصاحبه الحقيقة جاهُ
...
الفاروق عمر يا ناس بجيبو كلامُ
صقر الميتَر الـ منهُ الرجال ما ناموا
نصر المصطفى
عزاهُ قوى إسلامو
كم قنصل كبير مقلوع مجنزر وسامو
...
اللهم ارض عنه ذو النورين
عظمهُ وأكرم شانه في الدارين
متزوج ببنتي
بنتي سيد الكونين
ستي رقية وأم كلثوم دُقُر يا عينِ
...
الكرار علي المن قومتو فايق جيلو
التقى والوراعة والشجاعة هيلو
الهباب نهار
نهار الجاك مَلَبِّس خيلو
قوى المولى حيلك يا الإمام فوق حيلو
...
الكرار علي يا فمي أقذف نمو
كيفن سوى بالبطريف نهار اتلموا
ضربو مع الحصان
خلطو بلحمو ودمو
يا مكذب تعال أقرب براك بي شُمُّو
...
غنالك عبيدًا منسي ما بيطروهُ
ساكن بالفريخ حمل الفكيبة سموهُ
واقع يا الرسول
بي أمهُ وأبوهُ
جيرانو وجميع في الله من خاووهُ
...
الصلاة والسلام بي عد ما كاروهُ
في حرمو كذا البيت العتيق طافوهُ
ترضي المصطفى
تكوي النصارى عدوهُ
تنجي المسلمين من حر لظى الخافوهُ
...
صلى الله عليه وسلم
كتابة : أحمد الغشيم