تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
خُطاك توّاهة يا نفسِي
قدُر ما يذكِّروك/ تنسِي
إذا نُور الصباح طَلّاك
منو الأدّاك ضمان تمسِي؟!
........
أقيفِي وصلّي يا نفسي
على من بالجلال مَكسِي
نبينا البُكرة بشفع ليك
في يوم الهولِ والبأس
صلاة سِيدنا النبي المحمود
وراها انضارٍي واندسّي
ولو فتحوا المراسِي بلاد
على غير طه ما ترسِي
.......
نبِي الرحمة وسراج الكون
عليك بي سِيرتُو/ اتوصِّي
وكيفن يحنَّ ليهو جذِع؟
وانتِ الفيك قلِب تقسِي؟!
ف يوم الحَشْر أيّ رسول
يقول: يا نفسي يا نفسي!
إلا نبينا لينا شفيع
لربّ العرش والكُرسي
........
بدون طه الليالي عجاف
بدونو رضا العُمُر منسِي
دا حُبّو علامة الإيمان
وبُغضو متاهة البؤسِ
صلاتي عليهو والتسليم
تحِل بركاتو في غرسِي
محبّتو تبقى ليْ رحمة
ورصيد للآخرة من هسّي
#ود_السيد
