تحميل محتوى الموضوع
عرض نسخة صالحة للطباعة
أرسل هذا الموضوع إلى صديق
كتير مننا مر بالمواقف دي وجرب الاحساس دا
احساس انك تتحطم وتتكسر من جواك عشان خيبة امل حاصلة ..
هي برغم كترها بكل انواعها وتفاصيلها بس في النهاية المحصلة واحدة
بتجرح احساس كان حلو جوانا .. بتغير وجهة نظرنا تجاه شي معين
بتخليك تعيد ترتيبات الحاجات جواك ..
بس مهما كانت صعوبة الموقف الايام كفيلة بإها ترمم حطامنا .. وتلم بعثرتنا
كونك تتخذل من صاحب قريب ليك .. خيبة امل
كونك تلقى نفسك انك خاذلك وما قادر تواجه صعوبة الحياة
كونك تخذل نفسك عشان انت في يوم اخدت قرار خاطئ لخبط الدنيا عليك
وكونك غلطت عشان اخدت قرار بأنك تكون مع ناس بس للأسف .. اختيارنا طلع غلط
كل دي خيبات .. وكتير منها القاسي علينا ..
بس حتعدي اكيد برغم قساوة النتائج اللي حتخليها وراها جوانا ..
وبرغم قساوة الايام اللي حنعيشها عشان نقدر نرجع ذاتنا ونقدر نقيف من تاني ..
كل الحاجات دي بتحصل على مستوى الاسرة .. الصداقة .. او العمل
بتشيلنا هموم .. بتجرحنا .. بتصيبنا باليأس
ولما تكتر علينا بنصل مرحلة اللامبالاة .. والله يستر
بس الحمد لله ربك كبير
# مهما كبر همك فــ الله اكبر هو الكفيل بينا وحده..
[color=blue]كسرة اولى : # كل خيبة امل قصادها درس في حياتك ومعلومة ما اظن تنساها
ابقى عشرة وخلي بالك منها واستفيد لأنه # لا يلدغ مؤمن من جحر مرتين ..
كسرة تانية : # وعشان تكون مبسوط اتوكل على الله ..
اختار الناس الصح في حياتك .. وحسّن ظنك
وبعد دا كله .. اهم شي تتعظ
خــارج النص : اديني احساس بالأمل في كل رحلة شوق تطول
و ادي الخطاوي الراجعة ليك في سكتك وهم الوصول
ما الدنيا كلها انتظار والإرتحال قدر الفصول
الموجة تحلم بالضفاف والغيمة تحلم بالهطول
بقلمي ~
[/color]