الملاحظات


آخر المشاركات

أهلا وسهلا بك زائرنا الكريم في شبكة ومنتديات ود قرينو للمدائح النبوية، لكي تتمكن من المشاركة ومشاهدة جميع أقسام المنتدى وكافة الميزات ، يجب عليك إنشاء حساب جديد بالتسجيل بالضغط هنا أو تسجيل الدخول اضغط هنا إذا كنت عضواً .


مجرد كلام ~ سعادة ~

بعد السلام والتحايا .. اليوم لقيت ورقة وقلم قلت اجرب اكتب احاول اعبر شوية عن حاجات بتكون جوانا ( مفهومة او غير مفهومة ..


لا يمكنك الرد على هذا الموضوع لا يمكنك إضافة موضوع جديد


Eshtifaa
معلومات الكاتب ▼
تاريخ الإنضمام : 16-06-2011
رقم العضوية : 185
المشاركات : 2051
الجنس : أنثى
قوة السمعة : 155
01-07-2015 12:10 صباحا

بعد السلام والتحايا ..

اليوم لقيت ورقة وقلم قلت اجرب اكتب
احاول اعبر شوية عن حاجات بتكون جوانا
( مفهومة او غير مفهومة )
المهم اننا لما نحس بحاجة نعبر عنها ..
الليلة حبيت اتكلم عن حاجة اسمها ♥ سعادة ♥
السعادة دي مرات بتكون اشخاص
ومرات بتكون امنيات واحلام واهداف نفسنا نوصل ليها ونحققها
مرات كتيرة بتكون تواريخ ( ارقام يعني قد تكون ما بتعني ليك حاجة بس لغيرك بتعني كتير)
السعادة مواقف حكايات ذكريات ولحظات ..

الأهداف والأمنيات والأحلام كلنا بنتعب عشان نصل ليها ونحققها
وقد تواجهنا صعوبات ويكون الطريق ملان عقبات
لكن بقدر الصعوبات دي لما تصل للنهاية اللي هي بداية حتكون ..سعادتك ..

الاشخاص اللي هم انواع كتيرة بس هنا انا بتكلم عن اللي هم سعادتنا وافراحنا smile
عن الناس اللي لما نكون جايطين وما فاهمين شي وفي عز لخمتنا وجوطتنا بيرتبونا
ولازم وجودهم عشان حياتنا تمشي ..
عن الناس اللي بتقيف معانا وقت الضيقة
وعن الناس اللي نغيب منهم ونطول ووقت ما نرجع يلاقونا باللهفة والاشواق ونفس الضحكة الخليناها عليهم
الناس اللي اول ما الزمن يضغط عليك ويعصرك ترجع ليهم وتجري عليهم وتحاول تضاري نفسك جواهم
عن ناس كتيرة وكلهم حاجة واحدة .. سعادتنا ..

وكل ما الايام تمشي بتكتر ذكرياتنا بحلوها ومرها بس خلونا في الحلوة هنا عشان السعادة wink_3

يعني سماحة البسمة البتترسم على وشنا ونحن ماشيين في مكان ما وفجأة نتذكر زول معين , نتذكر اصحابنا ونتذكر الناس اللي خلت جوانا حاجات جميلة ..

بتكلم عن انه تكون قاعد في مكان في نص الهم والسرحة وغرقان في همومك وفجأة تلاقي ناسك واحبابك الطولت منهم شديد وترجع ذكرياتكم السمجة سوا ..

عن انه تكون قاعد وسط ناس البيت ومافي هموم ولا احزان
ولا في ناس شايلة هم بكرة عن انه ملمومين والضحكة من جوا طالعة معاها سعادة تدفق ..

بتكلم عن كلمة حلوة عابرة اتقالت ليك لكن لسة قاعدة وراسخة جواك ..

شوف كل البسمات دي smile بجمالها وحلاوتها زي جمال بلدي وزي جمال ناسو القلوبهم سمحة ..

بتكلم عن كل الناس اللي في حياتنا عملوا عشانا كتير وفرحونا وغيروا فينا للأحسن ♥
عن كل حاجة حصلت لينا فرحتنا وخلت السعادة حولنا ومعانا ..

واهم شيء شكرا يارب لأنك خليت السعادة معانا بكل اشكالها وتفاصيلها ..

كونك تقدر تمنح سعادة لذاتك ولغيرك انت زول ( ما هين ) واتأكد انك ذكرى جميلة
كل ما تمر عليه حيبتسم ابتسامة زول مطول من اهله واحبابه ورجع ليهم بعد غربة وطول فراق ..

شكرا ليكم لانكم بحياتي وكتنوا مصدر سعادة ..
وان شاء الله سعادة دائمة على الجميع ..smile

وزي ما قال الشاعر بكرة يا قلبي (الحنين) تلقى (السعادة) ..


كونوا سعداء ♥

بقلمي ~




03-07-2015 08:58 صباحا
مشاهدة مشاركة منفردة [1]
محمد السر
rating
معلومات الكاتب ▼
تاريخ الإنضمام : 14-04-2011
رقم العضوية : 59
المشاركات : 328
الجنس : ذكر
قوة السمعة : 10
المادح المفضل : : خالد الصحافة
ويــــــــــكأنو فــــــــي ابـــــــــداع حااصــــل _*

مــا عرفتــــــــك هههههه

كلام جمــــــيل يا دكـــــــتوره ... واصـــلي من غير تفــــــاصلي

وربنــــــــا يجعل حيــــاتك كلها سعــــــــــاده _[i][/i]

05-07-2015 12:37 صباحا
مشاهدة مشاركة منفردة [2]
Eshtifaa
معلومات الكاتب ▼
تاريخ الإنضمام : 16-06-2011
رقم العضوية : 185
المشاركات : 2051
الجنس : أنثى
قوة السمعة : 155
المشاركة الأصلية كتبت بواسطة: محمد السر;36247
ويــــــــــكأنو فــــــــي ابـــــــــداع حااصــــل _* مــا عرفتــــــــك هههههه كلام جمــــــيل يا دكـــــــتوره ... واصـــلي من غير تفــــــاصلي وربنــــــــا يجعل حيــــاتك كلها سعــــــــــاده _

هههههه نورت يا ود السر .. ودا جزء من ابداعاتكم تسلم كتير على ذوقك العالي smile



المواضيع المتشابهه
عنوان الموضوع الكاتب الردود الزوار آخر رد
مجرد كلام 3 ~ خيبة امل ~ Eshtifaa
0 777 Eshtifaa
مجرد كلام 2 ~ كلمة ~ Eshtifaa
0 428 Eshtifaa
فرقة السحر - أنا ليهم بجر كلام - تراث kinaish
8 2755 ابو مازن
الشيخ قدورة - كلام سيدي الرسول - كلمات wadgraino
0 841 wadgraino
من درر الكلام بت العناية
8 995 محبة الرسول

الكلمات الدلالية
مجرد ، كلام ، سعادة ،

« عشرة أسباب لتقدّم اليابان | مجرد كلام 2 ~ كلمة ~ »

 













الساعة الآن 07:11 صباحا

Flag Counter


RSS 2.0XML Site MapArchiveTeamContactCalendarStatic Forum