اتوضَّأ صلِّ
مِنْ ذنبك استغفِر لنبيكَ صلِّ
أكثِر مِنْ التَّهليل
====================
ساعة التَّجَلِّي
بادِر و اقيف بالباب قط لا تُجَلِّي
سارِع إلى الأوراد للقلبِ جَلِّ
بتفوز بها في يوم طَيّ السِّجِلِّ
قِر في المَحَلِّ
كالشِّبلي و الجيلان ثُمَّ المَحَلِّي
و اتحلَّى بالأخلاق نِعْمَ التَّحَلِّي
طبعك بكاس الحُب في اللَّهِ حَلِّ
إيَّاك خِلِّي
مِنْ صُحبة الفُسَّاق لُذْ بالتَّخَلِّي
زادك مِنْ التَّقوى زيتاً و خَلِّ
لا تكون بَطِي و كسلان للرَّاحة خَلِّ
لا ترجع مِلِّي
سافر و سِرْ قدَّام بالخير مُتمَلِّي
للمُسلِم احترِم مِنْ فور و مَلِّي
قيم ليلك صوم الضَّي جاهِد تَمَلِّي
عند التَّدَلِّي
ثمر الذِّكر مِنْ فوق بيديكَ دَلِّ
سُبعك من القُرآن كُل ليلة دَلِّ
في العُدوةِ الدُّنيا لي دَلوكَ دَلِّ
للجوف مُبَلِّي
لا تشغل الأفكار بي صحون و بِلِّي
كالعارِفين أهل الجود الجِبِلِّي
آدم و الحاج النُّور مُختار و "بَلِّي"
للوجهِ وَلِّ
يومات تِجاه البيت لا تفِرْ مُوَلِّي
من جيش جنود إبليس بئس التَّوَلِّي
حافِظ على الصَّلَوات قبَّال تُوَلِّي
يا ربِّي صَلِّ
عدد الخُلوق التَّارِك و المُصَلِّي
البُرعي بالإخوان في اللَّهِ سَلِّ
مِنْ سُكَّري و سَرَطان محفوظ و سُلِّ
إعداد و نشر #كوكب_الإشراق